Вакацыі на VODBLISK

27 жніўня VODBLISK сыходзіць на вакацыі на нявызначаны тэрмін

З чым звязаныя вакацыі?

Нам даволі складана працягваць падтрымліваць анлайн-кінатэатр. Мы імкнёмся захаваць важную і значную калекцыю сучасных беларускіх фільмаў, таму вымушана пераходзім на іншую відэа-платформу.

Гэта добры момант, каб нас падтрымаць!

Падтрымай VODBLISK

Што гэта значыць для гледачоў?

Сайт і сацсеткі VODBLISK застануцца актыўнымі, але з 27 жніўня на платформе будзе немагчыма паглядзець фільмы.

Гэта магчымасць з'явіцца зноў, калі мы завершым пераход на іншую платформу, які можа трываць некалькі месяцаў.

Але!

Мы вырашылі, што вакацыі — гэта вакацыі, і ў іх павінна быць нешта прыемнае. У нашым выпадку гэта вакацыйны кінамарафон. Таму для гледачоў па-за межамі Беларусі ёсць вельмі прыемны сюрпрыз.

Кінамарафон на VODBLISK

23 жніўня вы зможаце атрымаць доступ да ЎСІХ фільмаў на VODBLISK разам усяго за 5$ (столькі звычайна каштуе прагляд аднаго фільма).

Вы зможаце набыць доступ на 3 дні да ўсіх стужак па такім кошце 23.08 у прамежак з 00:00 па 23:59 (GMT+3).

Для гледачоў у Беларусі прагляд фільмаў быў і застаецца бясплатным, таму вы лёгка можаце прама зараз пачаць свой кінамарафон — запойны прагляд усіх стужак, што адкладвалі на чароўнае «потым».

Пакет «Кінамарафон VODBLISK»

Пакет уключае ў сябе фільмы: Мая бабуля з Марса, Межы, Хапай турыстаў, Сапраўдная амерыканка, Паветра ўнутры яе, II, Возера радасці, Агульная мова, Баба, Ваня і Каза, Пасха Хрыстова, Хронікі ртуці, Саламанка, Summa, Чыстае мастацтва, Чатыры колы далей ад цэнтра, Тут быў Саша, Цукар, Hasta La Vista, Baby, Бліжэй, чым ты думаеш, Дом, Шлях дадому, Тата, Заплюшчы вочы, Рэканструкцыя бяссоння, Сябры па перапісцы, Смеццевая галава, Калі Я быў Генерал, Ультракароткія гісторыі, Балюча не будзе, Край жанчын, Край свету, Лета 1989, Маланка, Дзённік Анастасіі, Дэзерцір, Усё добра. Я сплю, Кроў і караоке, Раб танца, Чэмпіён 471, Білет у адзін канец. Фільм "Сапраўдная амерыканка" недаступны для прагляду на тэрыторыі РФ.

Доступ на 3 дні да гэтага пака фільмаў анлайн-кінатэатра VODBLISK можна набыць за 5$ толькі 23 жніўня 2025 года ў прамежак з 00:00 па 23:59 (GMT+3). Аўтаматычны адлік арэнды фільмаў пачынаецца з моманту пакупкі. Калі вы не паспееце ажыццявіць прагляд за 3 дні з моманту пакупкі пакета, на жаль, грошы не вяртаюцца.

Набыць пак за 5$ па ўсім свеце

Набудзь доступ з любой краіны свету, акрамя Беларусі за 5$ толькі 23 жніўня. Доступ працуе на працягу 3 дзён. Адлік арэнды пачынаецца аўтаматычна з моманту пакупкі пака. Фільм «Сапраўдная амерыканка» недаступны для прагляду на тэрыторыі РФ

Разыгранка

Акрамя таго, мы разыграем 5 промакодаў для бясплатнага прагляду ўсіх стужак на платформе. Для ўдзелу пільна сачыце за нашымі гісторыямі ў Інстаграме 😉