6 фільмаў з вайбамі беларускай вёскі

Шасцігадовая Каця спрабуе даследаваць смерць і па-новаму адкрывае для сябе жыццё.

Што будзе, калі на адной дачы пакінуць інцэла-псіхапата і трох малазнаёмых дзяўчын? Вольны перанос на беларускую глебу маніфеста масавага стралка Эліята Роджэра.

У звычайнай беларускай вёсцы адзінае, што клапоціць бабулю Сіму, — будучыня яе сына-алкаголіка Вані. Не маючы на сваім баку анікога, акрамя белай казы Манькі, яна пачынае вайну супраць сваёй суседкі Глашы, якая варыць і прадае самагон у вёсцы.

«Шлях дадому» — гэта гісторыя Паўла, якога настальгія па Крыму і прага свабоды прывялі ва ўкраінскае сяло, дзе ён стварае свой уласны свет, сутыкаючыся з праблемамі і перашкодамі на шляху да самапазнання.

У маленькай вёсцы жывуць дзве забытыя душы — маці і яе пяцігадовая дачка. Маці працуе паштальёнам, і маленькай дачцэ прыходзіцца заставацца дома адной, чакаючы яе з працы. Ідылію іх жыцця парушае ўхажор маці, які аднойчы прыязджае да іх у госці. Дзяўчынка першы раз сутыкаецца з моцнымі, яшчэ не зразумелымі для яе пачуццямі зайздрасці і нянавісці.

Фільм распавядае пра апошніх жыхарак беларускай вёскі Любейкі, якія перажылі не толькі сваіх мужоў, але і сваіх дзяцей, аднак не пазбавіліся жыццёвай сілы і моцнага жадання жыць. Іх успаміны пацвярджаюць прыказку «Жыццё салодкае, але кароткае». У фільме яны перабіраюць свае ўспаміны і песні, дзелячыся з намі ўласнымі сакрэтамі пераадолення страхаў. З часоў здымак з чатырох гераінь засталася жывой толькі Надзея Мікалаеўна Некрашэвіч. Гэтая стужка была студэнцкай працай Аляксея Палуяна.